Mediat franceze bëjnë me dije se 5 shtetas britanikë janë infektuar me koronavirus, gjatë qëndrimit në një qendër skijimi në Francë.

Mësohet se ata kishin qëndruar në të njëjtën shtëpizë, që kishte qëndruar një person që kishte qenë në Singapor. Ministrja franceze e shëndetësisë, Agnes Buzyn, deklaroi se personat e infektuar, në mesin e të cilëve është edhe një fëmijë, nuk ndodhen në gjendje kritike.

Qendra e skijimit ku qëndruan personat e infektuar ndodhet afër qytetit zviceran të Gjenevës dhe afër majës më të lartë në Evropë, Mont Blanc.