Çdo person ka një shok ose shoqe të ngushtë në jetë me të cilën ndan çdo moment të bukur. Edhe personazhet e njohur të ekranit shqiptar kanë gjetur shoqërinë e vërtetë dhe e kanë treguar publikisht. “RevistaWho.com” ju tregon si kanë nisur disa nga shoqëritë më të njohura në ekran.
Xhemi dhe Arbana – Dy moderatoret u njohën në televizionin ‘Top Channel’ ku punojnë sot e kësaj dite. Ato janë mikesha të pandara dhe i sheh kudo bashkë, në punë, në kafene, në udhëtime, në shtëpi. Madje edhe fëmijët e tyre vajzat i kanë bërë shokë me njëri-tjetrin.Xhemi ka treguar se ato zihen shpesh, por nuk i mbajnë dot mëri njëra tjetrës dhe pajtohen shpejt.
Elvana Gjata dhe Jonida Vokshi – Elvana dhe Jonida janë jo vetëm shoqe shumë të ngushta por kanë edhe një ngjashmëri të madhe me njëra tjetrën. Dy bukuroshet janë njohur shumë kohë më parë, para se të konkurronin në Akademinë e Arteve. Jonida është shprehur se e konsideron Elvanën motër. Madje Elvana i celebroi në martesë Jonidën dhe bashkëshortin e saj Besnikun.
Aurela Gaçe dhe Eli Fara – Dy këngëtaret diva kanë një miqësi 25-vjeçare. Ato janë të ndryshme në karakter, por është pikërisht ky fakt që ka bërë që shoqëria e tyre të funksionojë. Aurela dhe Eli kanë edhe një bashkëpunim muzikor së bashku, këngën “Zemra rratata” që fitoi çmim në “Kënga Magjike”.
Kejsi Tola dhe Olta Boka – Dy këngëtaret janë gjithashtu prej vitesh mikesha shumë të ngushta. Kohë më parë u përfol për një krisje të marrëdhënies së tyre shoqërore por Olta dhe Kejsi i hodhën poshtë thashethemet. Dy këngëtaret kanë performuar bashkë edhe në mbrëmje muzikore live.
Aulona Musta dhe Fatma Haxhialiu – Aulona dhe Fatma janë mikesha të ngushta prej shumë vitesh. Ato jo vetëm janë mikesha, por edhe bashkëpunëtore pasi prej vitesh e drejtojnë bashkë emisionin “Thumb”. Ky emision nuk është konceptuar kurrë pa njërën prej tyre. Aulona ka treguar se me Fatmën ndajnë çdo sekret ndërsa Fatma ka treguar se miqësia e tyre i ka mbijetuar krizave dhe vështirësive.
Ingriti dhe Çiljeta – Ato janë dy këngëtare shumë të suksesshme, por edhe mikesha të ngushta. Ky fakt dihet tashmë sepse nuk kanë qenë të pakta herët kur Çiljeta dhe Ingriti janë shfaqur bashkë në ekran dhe kanë performuar bashkë. Ingriti ka treguar se me Çiljetën ka pasur zënka të vogla por shumë shpejt janë pajtuar. Dy vajzat kanë edhe dy bashkëpunime muzikore që dikur ishin hite “Puci puci” dhe “Mike dhe rivale”.
Evi Reçi dhe Arjola Shehu – Dy moderatoret janë gjithashtu mikesha shumë të ngushta e këtë e kanë treguar jo rrallë. Së fundmi Evi dhe Arjola u bashkuan për të prezantuar eventin “ODA”. Kjo ishte hera e parë që i pamë dy moderatoret të prezantonin së bashku dhe si gjithmonë ja dolën me sukses./revistawho.com
