Policia italiane ka vënë në pranga tre shtetas shqiptarë, të cilët kishin fshehur në makinë tre kilogram heroinë. Tre shqiptarët u panë duke lëvizur përgjatë rrugës shtetërore 106 Jonica me shpejtësi të madhe në zonën e Crotone dhe menjëherë policia iu vu në ndjekje atyre. Pasi u ndaluan, tre shqiptarët u kontrolluan nga efektivët e policisë dhe më pas iu gjet sasia e drogës.
Operacioni u drejtua nga Komisioneri i Policisë së Crotone Marco Giambra që synonte parandalimin dhe shtypjen e veprave penale të shitjes dhe trafikimit të lëndëve narkotike.
