Një shpërthim me tritol ka ndodhur në një banesë në Maqellarë. Nga të dhenat e para shpërthimi ka ndodhur në banesën e shtetasit Gazmir Kosiçi. Nga shpërthimi është lënduar në këmbë dhe po merr mjekim në spital jashtë rrezikut për jetën shtetasi I.K, 30 vjeç, i cili ishte duke ushqyer bagëtitë në momentin që ka shpërthyer lënda plasëse.
Ndërkohë, para një viti Gazmir Kosiçit i kanë vrarë djalin Elsi Kosiçi. 32-vjeçari, u ekzekutua në oborrin e banesës së tij, aty ku sot është vendosur tritol.
Ngjarja e rëndë tronditi familjen Kosiçi një vit më parë, teksa në momentin që kanë dalë jashtë, panë trupin e pajetë të 32- vjeçarit. Autori i dyshuar për vrasjen ishte Mehmut Gega, 24 vjeç. Shkak për vrasjen e 32-vjeçarit asokohe u tha se kanë qenë konfliktet e vazhdueshme mes tyre.
Njoftimi i policisë:
Në Maqellarë, në murin e stallës së bagëtive pas banesës se shtetasit G. K. ka shpërthyer një sasi e vogël lëndë plasëse.
Nga ciflat e blloqeve të betonit të murit rrethues është lënduar në këmbë dhe po merr mjekim në spital jashtë rrezikut për jetën shtetasi I.K, 30 vjeç, i cili ishte duke ushqyer bagëtitë në momentin që ka shpërthyer lënda plasëse. Në vendngjarje ka shkuar grupi hetimor dhe po punon për zbardhjen e ngjarjes. Janë sekuestruar kamera sigurie dhe çdo provë që mund të çojë në zbardhjen e ngjarjes.
