Razi dhe Qeriba Hoxha, djali me nusen, Ermal dhe Enkelejda Hoxha dhe dy femijët e vegjël të tyre tashmë janë thuajse të rrënuar. Shtëpia ku banonin është rrënuar thuajse plotësisht. Familjarët kanë qenë në banesë në momentin kur kanë ndjerë erën e gazit në banesë, fatmirësisht kanë arritur të dalin në kohën e duhur. Nga shpërthimi shtëpia ka marr flakë por fatmirësisht banorët nuk nuk kanë pësuar dëmtime.
Pavarsisht ndërhyrjes së forcave zjarrfikëse dhe policisë, dëmet në banesë kanë qenë të shumta ,një shtëpi që thuajse është shkatërruar plotësisht. Nusja e shtëpisë Enkeljda Hoxha,mes lotëve sheh atë çfarë mbetet nga shkrumbimi i flakëve, ndërsa bën apel për ndihmë.
Shpërthimi i bombolës në fshatin Drashovicë gjatë mbrëmjes së të mërkurës,ishte rasti i dytë i rregjistruar në Vlorë brenda një dite. Gjatë orëve të para të mëngjesit të ditës së djeshme,një tjetër bombol gazi shpërtheu në Selenicë,duke lenë të plagosur dy persona,një prej të cilëve në gjendje të rëndë,ndërsa banesa u shkatërrua plotësisht.
