Mjeku rumun që pësoi djegie të rënda pasi u përpoq të shpëtonte pacientët me Covid-19 nga një zjarr në spital është dërguar në Belgjikë për mjekim. Catalin Denciu u quajt “hero” nga Kryeministri Ludovic Orban, i cili vlerësoi “guximin dhe shpirtin e tij të veçantë të sakrificës” duke u përpjekur për të shpëtuar pacientët.
Dhjetë pacientë vdiqën në flakë në spitalin në Piatra Neamt të Shtunën. Një hetim ka nisur se si shpërtheu zjarri vdekjeprurës në njësinë e kujdesit intensiv të spitalit publik. Zjarri u përhap gjithashtu në një dhomë ngjitur. Disa raporte sugjerojnë se ishte një pajisje mjekësore që mori flakë dhe përfhiu një bombolë oksigjeni aty pranë. Zyrtarët rajonalë thonë se njësia u zhvendos nga kati i tretë i spitalit në të dytin pa njoftim zyrtar.
