Tri marrëveshje të rëndësishme u nënshkruan sot ndër të tjera në Kosovë.
Ministri i Financave dhe Ekonomisë, Arben Ahmetaj, bën të ditur se me ministrin e Financave të Kosovës, firmosëm marrëveshjen për kontrollet e përbashkëta në pikën kufitare Morinë – Vërmicë.
“Nuk ka me kontrolle të tepërta në kufi, ka vetëm një të përbashkët për të dy administratat doganore”, thekson Ahmetaj.
“Po kështu, firmosëm marrëveshjen për bashkëpunim në fushën e borxhit publik, investimeve dhe marrëdhënieve me institucionet financiare ndërkombëtare. Ndërsa me ministrin e Tregtisë firmosëm marrëveshjen për bashkëpunim në fushën e pronësisë industriale, një hap më tej për nxitjen e inovacionit tek bizneset”, shkruan Ahmetaj.
Marrëveshjet u nënshkruan në kuadër të mbledhjes së pestë të përbashkët mes qeverive të Shqipërisë dhe Kosovës, që u zhvillua sot në Pejë.
