Dy raste të reja me COVID janë regjistruar në qarkun e Gjirokastrës. Rasti i parë është bashkëshortja e një biznesmeni, D.K. i cili rezultoi pozitivë dy ditë më parë sëbashku me 3 të tjerë.
NJVKSH në Përmet mori sot në mëngjes tamponin e bashkëshortes së tij, teksa këtë mbrëmje erdhi dhe përgjigja pozitive. Ndërkohë rasti i dytë u shënua sërish këtë mbrëmje në qytetin e Gjirokastrës ku një 53 vjeçar është infektuar nga COVID.
Deri më tani në të gjithë vendin numërohen 2,189 të infektuar ku vetëm në 24 orët e fundit u shënuan 67 raste të reja. Ndërsa numri i vikitmave ka shkuar në 74 teksa 2 viktima të reja u shënuan këtë të shtunë (4 korrik).
