Raporti i fundit botëror i Save the Children zbuloi se 1 në 8 fëmijë në botë është i privuar nga fëmijëria. Raporti përfshin një indeks global, ku Shqipëria renditet në vendin e 61 nga 176 shtete të monitoruara, me 10 shkallë përmirësim krahasuar me dy vite më parë. Faktorët që ndikojnë më së shumti në ‘rrënimin’ e fëmijërisë, janë kequshqyerja, dhuna ekstreme dhe konflikti në familje, martesat dhe shtatzënitë në moshë të hershme, puna e fëmijëve, shëndeti i dobët, pamundësia e vijimit të shkollës etj.
Pozicioni i Shqipërisë është më mesatar në rajon, ku Maqedonia renditet më ulët në vendin e 69, Mali i Zi në vendin e 50, Serbia në vendin e 46 dhe Bosnjë-Hercegovina e 38-ta.
Për Shqipërinë, specifikat e studiuara tregojnë se:
– Vdekshmëria foshnjore është 8.8 për 1000 lindje (më e lartë se mesatarja)
– Përqindja e martesës së fëmijëve është 6.7 %
– 11.3% e fëmijëve deri 5 vjeç ushqehen keq
– 20.7 në 1000 vajza ngelin shtatzënë në moshën e adoleshencës
– 6.9 % e fëmijëve nuk frekuentojnë shkollën
– 1 % e fëmijëve janë detyruar të lënë vendin për shkak të konflikteve
– 5.1 % e fëmijëve punojnë nën moshë
– 2 nga 100 mijë vrasje janë vrasje fëmijësh
Indeksi, i cili monitoron 172 shtete, tregon se fëmijëria është më e kërcënuar në vendet e Afrikës Perëndimore dhe Qendrore, me Çadin dhe Nigerinë e renditur në fund. Ndërsa shtetet ku fëmijëria është më pak e kërcënuar, janë Suedia, Finlanda, Norvegjia dhe Sllovenia.
Për më shumë se 100 vjet, ‘Save the Children’ ka punuar për të ndihmuar në përmirësimin e jetës së miliona fëmijëve në të gjithë botën. Të paktën 280 milion fëmijë – ose 1 fëmijë në 8 – janë në mënyrë dramatike më të mirë se sot në çdo kohë në dy dekadat e fundit, sipas Indeksit të tretë vjetor Global të Fëmijërisë 2019. Më shumë fëmijë janë të shëndetshëm dhe mbijetojnë gjatë ditëlindjes së tyre të pestë. Më shumë fëmijë kanë mjaft ushqim të mirë për të ngrënë, kështu që rritja e tyre nuk pengohet. Më shumë fëmijë – vajza dhe djem – janë në shkollë dhe mësojnë, në vend që të martohen, të bëhen prindër ose të shkojnë në punë. Dhe, më shumë fëmijë janë të sigurt nga dhuna. Kjo, sipas raportit, tregon se investimet e botës në mirëqenien e fëmijëve po funksionon.
Që nga viti 2000, rrethanat janë përmirësuar për fëmijët në 173 nga 176 vendet, duke kursyer qindra miliona fëmijëri. Globalisht ka pasur përparim në çdo tregues të raportit. Ka edhe një anë tjetër të medaljes. Jo vetëm që nuk ka pasur përparime në zvogëlimin e numrit të fëmijëve që jetojnë në zona të luftës, ose të detyruar të ikin nga konflikti, ai numër është rritur në mënyrë dramatike./monitor
