Një ngjarje e rëndë ka ndodhur pasditen e djeshme në Greqi, ku një grup shqiptarësh janë përleshur fizikisht me disa grekë në një lokal në Pyrgos. Sipas mediave greke, shqiptarët po flisnin në gjuhën amtare, gjë e cila shkaktoi irritimin e djalit të pronarit të lokalit, i cili iu kërkoi të mos flisnin shqip. Grupi i shqiptarëve menduan se mos ky ishte një keqkuptim dhe nisën sërish të komunikojnë shqip me njëri-tjetrin. Më pas greku nuk duroi dot më dhe iu kërkoi shqiptarëve të largoheshin nga lokali. Kaq mjaftoi që situata të ndizet dhe mes tyre nisi një konfrontim fizik, ku u përfshinë disa persona. Policia u lajmërua dhe mbërriti në vendin e ngjarës dhe ndaluan një nga shqiptarët, duke i vënë prangat. Nga konflikti mes shqiptarëve dhe grekëve, pronari i lokalit përfundoi në spital, me lëndime fizike.

Iu kërkoi të mos flisnin shqip, shqiptarët “zhdëpin” në dru pronarin e lokalit në Greqi on Vidnews.