Në Udine të Italisë është rihapur shërbimi i kujdesit íntensiv pas një muaji për shkak se një pacient ndodhej në gjendje të rènduar shëndetësore. Bëhet fjalë për një shqiptar i cili kërkonte hospitalizim të menjëhershëm, pasi simptomat e sëmundjes i ishin përkèqësuar. Sipas mediave italiane, që prej 20 Qershorit në Udine nuk ka patur asnjë pacient të shtruar në terapinë íntensive.
Me ardhjen e shqiptarit të infektuar, personeli i spitalit duhet të rindërtonte shërbimin e kujdesit íntensiv brenda disa orëve, që të mund ti jepte atij trajtimin e nevojshëm, Lajmi u bë me dije nga Riçardo Riçardi, nënkryetari i rajonit të Udines, i cili thotë se shumë prej rasteve të reja që po shënohen në këtë rajon, janë emigrantë të kthyer nga vendet e ballkanit. Tre raste të reja u shënuan gjatë 24 orëve me Covid 19, njëri prej të cilëve u konfirmua se kishte udhëtuar nga Rumania drejt Italisë. Tashmë vendet e Ballkanit duket se po njohin një valë të shtuar të rasteve me Covid, dhe po kthehen në burim ínfeksioni dhe për Italinë, që ka qenë një nga shtetet më të prèkura nga koronavirusi në Europë.
