Kushtrim K. me origjinë shqiptare dëshironte që të vizitonte partnerin e tij në Konstanz të gjermanisë, por u ndalua në pikën kufitare nga një efektiv gjerman. Kujtojmë se në mënyrë që të udhëtoni për të shkuar tek një partner në Gjermani me të cilin nuk jeni ende të martuar duhet që të provoni marrëdhënien tuaj. Por, edhe pse Kushtrim K. dhe partneri i tij kishin nënshkruar paraprakisht një konfirmim të marrëdhënies, ky konfirmim nuk ishte i mjaftueshëm për efektivin e kufirit. Efektivi këmbënguli të shihte fotot e çiftit h omos eksual, ndërsa Kushtrimi e pyeti atë nëse ishte e nevojshme por doganieri kishte reaguar ashpër duke i thënë se mund të kthehet mbrapsht.
Më konkretisht Kushtrimi tha për median gjermane “20 Minuten” se:
Ai më bërtiti duke thënë se mund të kthehesha mbrapsht nëse nuk kisha dëshirë. Isha krejtësisht i hutuar dhe nën presion. Nuk kisha asnjë foto me të në rrjetet sociale. Prindërit e mi janë myslimanë të devotshëm dhe kurrë nuk do ta kuptonin marrëdhënien time.
Ndërkohë, shqiptari pasi kërkoi tek celulari i tij për një kohë të gjatë, gjeti një foto me partnerin dhe ia tregoi doganierit, por as kjo nuk ishte e mjaftueshme pasi sërish efektivi kërkoi për fotografi të cilat tregojnë se ka në të vërtetë një lidhje me personin në fjalë. Dëshira e të riut ishte aq e madhe për të takuar partnerin saqë tregoi disa foto intime që kishte me atë dhe më pas doganieri e lejoi që të kalonte kufirin. Kushtrimi tha se: Ndihem aq keq dhe i ekspozuar, po sikur të ndodhte kjo situate me një çift normal.JOQ
