COVID-19 është kthyer në tmerr të vërtetë javëve të fundit, duke mos kursyer askënd. Mesatarja e vdekjeve ditëve të fundit shkon mbi 20.
E kjo sëmundje, brenda një dite, i ka marr jetën edhe një nëne dhe djalit të saj nga Rahoveci. Rastin e kanë bërë të ditur familjarë të tyre në Facebook, raporton Zeri.info.
“Paskan ndërruar jetë nanë e bir nga Potoqani i Poshtëm (Rahovec), Avnia një djalë punëtor shumë i zoti dhe teta Zehra nje grua e urtë e shumë e rrespektuar. Ngushëllime familjes Ahmeti. Ju bëftë shpirti dritë!”, thuhet në njoftimin e një familjari. Edhe kryetari i komunës së Rahovecit, Smajl Latifi, ka shprehur ngushëllime për familjarët.
