Sot, u largua drejt përtejjetës, Mosko Kaliva, emër emblematik i trashëgimisë dhe vlerave më të mira qytetare vlonjate. Deri para pak muajsh kisha bindjen se, ai do të sfidonte pambarimisht moshën. Sot, kuptova se ligjet e natyrës nuk mund të ndryshojnë dimensionet e tyre. Xha Mosko, kishte një jetë aktive në ato ritme, sa mbetet një model i papërsëritshëm. I tillë mbeti deri në fund, energjik dhe sfidues.
Me dashuri të pafund për jetën, për njerëzit, për punën, i pasionuar pas profesioneve që i kishtë fituar në dekada. Atë nuk e trembte përtejjeta. Përkundrazi. Shpesh më thoshte me humor, “Më ka harruar Perëndia”. Ai ishte një model i pozitivizmit, i sjelljes dhe edukatës qytetare. Ishte nga ata Njerëz që krijojne vakuum me mungesën e tyre. Nga ata Njerëz që flasin edhe me heshtjen dhe prezencën e tyre.
Nga ata Nerëz që titulli i lartë “Hero i Punës….”, ishte skalitur tek ai, si pjesë e meritave të padiskutueshme të të shkuarës dhe vlerave të jashtëzakonshme të të sotmes. Sot, lotova tinëz për të…… Nga nesër do e ndjej mungesën e tij. Ashtu si unë, të gjithë komshinjtëj, të gjithë bashkëqytetarët dhe ata që e njohën, qoftë edhe së largu….
