Champions League më në fund rikthehet për herë të parë pas emergjencës së pandemisë. Tashmë ndeshjet do të luhen me dyer të mbyllur, pa praninë e tifozëve të zjarrtë. Një disavantazh për Juventusin, që duhet të përmbysë humbjen 1-0 në duelin e parë ndaj Lyon.
Më 26 shkurt, Tousart shënoi golin e vetëm të ndeshjes në minutën e 31-të, duke i dhënë ekipit të Garcias një avantazh për duelin e mbrëmjes së sotme. Juventus duhet të shënojë të paktën një gol për ta dërguar ndeshjen në shtesë, dhe të fitojë me diferencë dy golash për të siguruar kualifikimin.
Manchester City-Real Madrid është padyshim dueli më i bukur i mbrëmjes i cili premton spektakël. Skuadra e Guardiolës vjen me avantazhin e madh të fitores 2-1 në “Santiago Bernabeo”, por tashmë gjërat kanë ndryshuar dhe nuk do të jetë aspak e thjeshtë për të ruajtur këtë rezultat. Ekipi i Zidane duhet të fitojë më dy gola diferencë për të siguruar kualifikimin, ose të shkojë në shtesë me një rezultat 2-1, në favor të tyre.
