Andrea Shani është i riu shqiptar që u arrestua nga policia britanike pasi u kap duke transportuar kanabis me furgonin e tij.
Andrea Shani u pikas nga policia pasi po ecte kundravajtje me furgonin e tij me anë të të cilit po transportonte një ngarkesë prej 76 bimësh kanabis të bëra gati për shitje. Policia i dha sinjal të ndalonte në urën e famshme Humber, por 23-vjeçari shqiptar sapo pa policinë braktisi furgonin dhe tentoi të arratisej, por pa sukses.
Në gjykatë ai pranoi posedimin e drogës dhe transportin e saj përmes furgonit. Në fillim u dyshua se ai e kishte vjedhur kanabisin, por sipas autoriteteve angleze 23 vjeçari shqiptar po bënte thjesht transportin e drogës. Shani u dënua me një vit burg, por për shkak të kohës së kaluar në paraburgim, ka mundësi që të lihet i lirë dhe më pas të niset drejt Shqipërisë.
