Keni frikë t’u tregoni njerëzve që keni COVID-19, virusin që ka vrarë mbi një milion njerëz në të gjithë botën? Nuk je vetëm

Niro Feliciano, një psikoterapiste njohëse dhe drejtuese e ‘podcastit’ “Përballja me normalen e re të COVID-19”, ka trajtuar shumë pacientë që janë diagnostikuar me coronavirus dhe ajo tha për ‘TODAY’ se shumë prej tyre kanë frikë të tregojnë se janë të infektuar. Për ta bërë këtë komunikim më të lehtë, Feliciano ofroi këto këshilla:

Merreni lehtë dhe bëhuni të sinqertë Mos e ndërlikoni shumë mesazhin me detaje dhe shpjegime të panevojshme. Telefonojini ose dërgojini një mesazh personave të afërt që duhet t’i njoftoni se testi juaj ka dalë pozitiv. Inkurajojini ata të marrin masa paraprake, të karantinohen dhe të testohen – dhe të lajmërojnë të tjerët se mund të jenë infektuar.

Kushdo që ka qenë në kontakt të ngushtë me dikë që është diagnostikuar me COVID-19 (brenda 6 metrash për të paktën 15 minuta) duhet ta konsiderojë testimin. Përgatitu që të gjithë do të përgjigjen ndryshe

Ata që janë të prirur nga ankthi mund të reagojnë keq, ndërsa të tjerët mund të mos shqetësohen shumë. “Jini të hapur për faktin se njerëzit veprojnë nga nivele të ndryshme të frikës ose të ankthit” -tha ajo. Përgatituni për një sërë pyetjesh

‘Ku ishe kur u infektove? Me kë ishe? Çfarë lloj testi ke bërë? A kishe vënë maskë?’ Feliciano theksoi se këto janë vetëm disa nga pyetjet që njerëzit ndoshta do të bëjnë pasi të mësojnë për diagnozën tuaj. Pyetjet e tjera, paralajmëroi ajo, mund të jenë edhe më personale.

Disa njerëz mund të zemërohen dhe t’ju fajësojnë në një farë mënyre, por thjesht mendoni se janë duke reaguar nga frika e tyre, tha Feliciano. Duke i informuar ata për infektimin, keni bërë gjënë e duhur, keni treguar kujdes dhe përgjegjshmëri për mirëqenien e tyre.

Mos t’ju vijë turp Është e natyrshme të ndihesh fajtor, por Feliciano tha që të fajësosh veten dhe të tjerët që mund të të kenë infektuar nuk është e dobishme. Faji mund të jetë një emocion produktiv që i motivon njerëzit të ndryshojnë sjelljen, por turpërimi mund të ketë efektin e kundërt. Mund të jetë demotivues dhe i dëmshëm.