Autoriteti Kombëtar i Ushqimit, (AKU) në kuadër të përmbushjes së misionit të tij, gjatë javës (25-31 tetor) ka kryer 1854 kontrolle në bizneset ushqimore dhe për shkeljet e konstatuara ka vendosur 123 masa administrative, 13 nga të cilat me “Gjobë” në vlerën 2.420.000 lekë si dhe ka bllokuar 34,9 tonë produkte jashtë standardeve për konsum.
AKU bën të ditur se, nga 429 inspektime të programuara sipas Planit Vjetor dhe 175 inspektime të paprogramuara si dhe janë marrë në total 175 mostra zyrtare duke realizuar analiza laboratorike për 268 tregues analitik, nga të cilat 3 kanë rezultuar jokonform ligjit.
Në Pikat e Inspektimit Kufitar janë kontrolluar 1247 ngarkesa, duke marrë 67 mostra për analiza laboratorike të cilat kanë rezultuar konform, si dhe janë bllokuar 0,4 ton yndyrë bimore për t’u kthyer në origjinë.
Gjatë kësaj jave, përmes kanaleve të saj të komunikimit me publikun (nëpërmjet e-mail-it, numrit jeshil dhe rrjeteve sociale), AKU ka marrë 4 raste denoncimi nga qytetarët.
