Komisioni i Pavarur i Kualifikimit do të zhvillojë tri seanca dëgjimore më 4 nëntor, ku do të kalojnë në sitën e Vetingut, Sulejman Kurtin, kryetar i Gjykatës Elbasan, Brunilda Malo (Orhani), gjyqtare në Gjykatën e Apelit Korçë dhe Përparim Kullurin, prokuror i Krimeve të Rënda në Tiranë.
Komisioni i Pavarur i Kualifikimit do të zhvillojë një seancë dëgjimore me subjektin e rivlerësimit, Sulejman Kurti, gjyqtar/kryetar i Gjykatës së Rrethit Elbasan.
KPK ka shpallur në kalendarin e axhendës së Vetingut, datën 4 nëntor, ora 10:00 për kryetarin e Gjykatës së Rrethit Elbasan, Sulejman Kurti, prokuror i Krimeve të Rënda Tiranë.
Po ashtu, Komisioni i Pavarur i Kualifikimit ka caktuar edhe trupën gjykuese, që përbëhet nga Valbona Sanxhaktari, Firdes Shuli, Lulzim Hamitaj.
Komisioni i Pavarur i Kualifikimit do të zhvillojë një seancë dëgjimore me subjektin e rivlerësimit Brunilda Malo (Orhani), gjyqtare në Gjykatën e Apelit Korçë.
KPK, ka shpallur në kalendarin e axhendës së Vetingut, datën 4 nëntor, ora 12:00 për Brunilda Malo (Orhani), gjyqtare në Gjykatën e Apelit Korçë.
Po ashtu, Komisioni i Pavarur i Kualifikimit ka caktuar trupën gjykuese që përbëhet nga Xhensila Pine, Roland Ilia, Valbona Sanxhaktari.
Gjithashtu, KPK ka shpallur në kalendarin e axhendës së Vetingut, datën 4 nëntor ora 2:00, Përparim Kulluri, prokuror pranë Prokurorisë së Shkallës së Parë për Krimet e Rënda Tiranë.
Komisioni i Pavarur i Kualifikimit ka caktuar trupën gjykuese që përbëhet nga Lulzim Hamitaj, Olsi Komici, Brunilda Bekteshi për prokurorin Përparim Kulluri.
Të tre subjektet e rivlerësimit do të përballet me Vetingun për tre kriteret klasike: atë të ligjshmërisë së pasurisë, kriterin etik dhe atë profesional
