Trupat inspektuese të AKU-së kanë kryer gjatë ditës së sotme 384 inspektime dhe monitorime edhe si pjesë e taskforcës antiCovid. Taskforca po vijon me monitorime dhe këshillime në të gjitha bizneset dhe nivelet e sistemit arsimor, në respektim të protokolleve kundër COVID. Gjatë inspektimeve është dhënë një masë administrative në një subjekt ushqimor, pasi janë gjendur produkte ushqimore me afat të kaluar përdorimi dhe për rrjedhojë është bërë edhe bllokimi i tyre. Po ashtu, janë marrë 26 mostra në monitorim të qumështit, por edhe në fruta-perime për analizim të mbetjeve pesticide. Autoriteti Kombëtar i Ushqimit po vijon punën në terren në garantim të sigurisë ushqimore dhe mbrojtjes së shëndetit të konsumatorit.
