Ervis Behari tregon si u njoh me të fejuarën dhe planet për martesë
Ervis Behari është një këngëtar i ri i muzikës së lehtë shqiptare, i cili deri më tani ka publikuar disa këngë të suksesshme. Kënga e tij e fundit është “Dale Dale”, por para kësaj kënge ai ka publikuar edhe disa këngë të tjera.
Kënga “Dale Dale” është një kompozim i Adi Hilës, por për të treguar më shumë detaje rreth projektit të tij të ri, Ervis Behari ishte i ftuar në emisionin “Rudina” në Tv Klan. Gjatë emisionit ai gjithashtu tregoi se një situatë të ngjashme me klipin e realizuar ka qenë edhe historia e dashurisë së tij më të fejuarën, me të cilën planifikon të martohet vitin e ardhshëm.
“Kënga është serenatë me motive jugu. Pak a shumë e njëjta histori si në klip më ka ndodhur edhe mua me nusen time. Sikleti për ne ka qenë vjehrri im, prej të cilit duhej të ruheshim kur takoheshim. Ne jemi njohur në plazh dhe kemi 6 vite që jemi fejuar, por ende s’kemi bërë dasmë. Ne ndoshta na ka rritur vendi kështu që mbajmë përgjegjësi për atë që bëjmë dhe përpara se të fejohesha kam shkuar e kam takuar vetë babanë e nuses time. Jemi duke menduar për dasmën dhe besoj nga viti tjetër do ta realizojmë”, tregoi këngëtari./tvklan.al
