Një tjetër vaksinë ndaj koronavirusit ka rezultuar e suksesshme në provat e fazës mesatare. Studiuesit thonë se mes disa vaksina që po zhvillohen në Kinë, “Sinovac Biotech”, ka dhënë përgjigje të shpejtë imune gjatë provave që janë kryer në rreth 700 persona, por nuk dha detaje për përqindjen e efikasitetit që pati tek të testuarit.
Njoftimi vjen pasi vaksinat evropiane dhe amerikane raportuan të dhëna të suksesshme nga provat e fazës së dytë. Tre vaksina, të zhvilluara në ShBA., Gjermani dhe Rusi, kanë lëshuar të gjitha të dhëna që sugjerojnë efikasitet prej më shumë se 90%, pas provave në dhjetëra mijëra njerëz.
Ashtu si pjesa tjetër e botës, Kina po garon për të zhvilluar një vaksinë Covid dhe katër prej tyre kanë hyrë në fazën e tretë dhe të fundit të provave klinike, duke përfshirë atë të krijuar nga Sinovac Biotech. Sidoqoftë, rezultatet e botuara në revistën shkencore The Lancet janë vetëm nga faza e parë dhe e dytë e provës së njërës nga ato katër vaksina.
