Kur nuk ishin bërë ende një javë nga lëkundja e tërmetit, që rrafshoi disa godina dhe la 51 të vdekur, sizmologu Llambro Duni, zbuloi se goditja nuk është 6.4 rihter dhe forca e tërmeti nuk ka qenë as 8 apo 9 ballë.
Sizmologu Duni në një intervistë televizive të hënën në mbrëmje, në emisionin Open, zbuloi se aparatura që mat lëkundjet sizmike në Durrës ka qenë jashtë funksionit.
Ai u shpreh se tërmeti ndërpreu energjinë dhe IGJEUM nuk kishte lekë për të blerë një UPS, e cila rikuperon në kohë energjinë. Sipas përgjigjeve dhe deklaratave të sizmologut Duni, mësojmë se lëkundja e 26 nëntorit mund të ketë qenë më e fortë se 6.4 rihter.
PJESË NGA INTERVISTA
Vasili: Është e vërtetë që aksilograma nuk është regjistruar nga stacioni i Durrësit.
Duni: Ne po përpiqemi ta rekuperojmë, se në momentin që ka ndodhur tërmeti, ta dinë të gjithë unë nuk kam çfarë të fsheh, është fikur, është ndërprerë energjia. Dhe është rivendosur pas gjysmë ore.
Në atë moment nuk ka funksionuar asksilografi, ne nuk kishin UPS aty, ose sistemi rikuperimit të energjisë, por për fat të keq i kemi, shpresojmë ta rikuperojmë.
Sepse gjithë sistemi për shkak të ngarkesës së ka pasur dhe ampliduadve të larta, por ne po përpiqemi që të futemi në sistem për ta tërhequr, për të marrë të dhënat e sakta.
Vasili: Sa problematike është kjo, ne nuk njohim nga pikëpamja shkencore atë të
Durrësit, njohim atë të Tiranës?
Duni: Ne njohim gjithçka që ka ndodhur në 21 shtator dhe të gjitha pasgoditjet në
Durrës e Tiranë, presim të rekuperojmë rekordin e 26 nëntorit në Durrës. Kemi shpresë ende.
Vasili: Nëse nuk rekuperohet?
Duni: Kemi humbur një të dhënë, një të dhënë shumë të rëndësishme. Për të njohur forcën e vërtetë në terma fizik të asaj lëkundje të tokës.
Bollino: Mungonte një UPS atje, mesa duket kushtonte 20 mijë lekë. Dhe për 20 mijë lekë kemi humbur një të dhënë shumë të rëndësishme.
Duni: Jo kushton 1 milion lekë. Ndoshta po…
Vasili: Dhe 1 milionë lekë, prap…
