“BalkanWeb” publikoi pak ditë më parë rastin e varfërisë ekstreme të familjes Kishta në fshatin Mashan, e cila nuk kishte bukë as për vaktin e radhës.
Pas apelit të nënës së katër fëmijëve për ndihmë, shumë qytetarë nga rrethe të ndryshme të Shqipërisë u solidarizuan me rastin në fjalë, duke iu ardhur në ndihmë me bazën ushqimore.
Ishte fillimisht 73 vjeçarja, Fatmira Leshi nga Dibra me banim në Lushnje, e cila së bashku me familjen e vet udhëtuan drejt fshatit Mashan duke iu dërguar ndihma si në veshmbathje ,ushqime e batanije.
Të njëjtin humanizëm bëri edhe qytetari nga Tirana, Gjergj Bezati, ku u ofroi një sasi të konsiderueshme ushqimesh si miell,vaj sheqer si dhe elementet bazë të materialeve shkollore.
