Teksa sot ju shemb resorti pa leje në Porto Palermo të Himarës, Mihal Kokëdhimën e kanë braktisur edhe avokatët e tij. Report Tv, mëson se avokatët Kujtim Cakrani dhe Erjon Besimaj nuk e përfaqësojnë më 51-vjeçarin, pronarin e restorantit ku më 15 gusht sulmoi familjen e miliarderit spanjoll Eugenio Galdon, që kishte shkuar si turist në një nga plazhet më të bukur të rivierës shqiptare.
Mihal Kokëdhima u la në arrest me burg nga Gjykata e Vlorës për sulmin që i bëri turistëve duke ju hedhur mbi kofanon e furgonit me të cilin ata u larguan nga restoranti pas shërbimit të keq dhe sulmin që vetë Kokëdhima u bëri.
Teksa e mbrojtën në seancë dy ditë më parë ku kërkuan që ai të hetohej i lirë me garanci pasurore, avokatët e quajtën një gjyq politikë ndërsa thanë se do ta apelonin vendimin. Por sot ata kanë hequr dorë nga mbrojtja e Kokëdhimës në këtë çështje.
