Sot në ambjentet e shtabit elektoral të PD Vlorë, u zhvillua takimi i Bordit të Çështjeve Sociale. Në takimin e këtij bordi, i cili drejtohet nga Dr. Ilva Lamaj, Dr. Juliana Xhindoli diskutuam për:
1- Respektimin e raportit të punësimit të personave me aftësi të kufizuar në institucionet (Zyra e punës) 2- Mungesa e sensibilizimit dhe informimit nga ana e profesionistëve mbi rëndësinë e shëndetit mendor (problematikat, shkaqet, pasojat) 3- Asistenca nga grupi ndërdisiplinor i profesionistëve tek të sëmurët terminal. 4- Mangësia e shërbimeve Social-Arsimore në institucione. Problematikat me funksionimin e NjMF, mësuesit mbështetës dhe rritja e fenomenit të bullizmit. 5- Problematikat sociale dhe shëndetësore të të moshuarve.
Ndër të tjera citova disa të dhëna nga INSTAT për rritjen e pagës për periudhën 2005 – 2019 ku: Për periudhën 2005-2013 pensioni mesatar në qytet është rritur me 8.5% në çdo vit, ndërsa për periudhën 2013-2019 është rritur vetëm 2.6% çdo vit.
Pensioni mesatar në fshat per periudhën 2005-2013 është rritur 20.6% çdo vit, ndërsa për periudhën 2013-2019 vetëm 3.8%çdo vit. Rritja e pages reale ka qënë 5.8% çdo vit per periudhën 2005-2013 dhe vetëm 1.6% çdo vit për vitet 2013-2019. Rritja e pagës nominale në sektorin shtetëror ka qënë 8.7% çdo vit për periudhën 2005-2013 dhe 3.3% çdo vit për periudhën 2013-2019 (shifrat janë kokëforta, ato flasin vetë).
Në përbërje të Bordit të Çështjeve Sociale janë edhe disa studiues të rinj me shumë perspektivë, ndërmjet tyre edhe PhD.Cand. Sashen Rexhepaj. Diskutimet e tyre në takimin e sotëm ishin shumë të dobishme për punën tonë në të ardhmen dhe një kontribut i vyer për programin e PD. Në takim u vendos organizimi i një konference modeste ku të trajtohen këto probleme dhe çështje të tjera.
