Sport

Vërshojnë golat, ndalet Milani, fitojnë Napoli, Atalanta dhe Lazio

Java e 29-të e Serisë A, e cila luhet e gjitha këtë të Shtunë për shkak të Pashkëve ka dhuruar surpriza dhe shumë gola sidomos për skuadrat e mëdha.  E para që zbriti në fushë ishte skuadra e Milanit ku në “San Siro” kishte përballë Sampdorian dhe pavarësisht se në letër ishte favorite u ndal në një barazim zhgënjyes 1-1.

Madje kuqezinjtë mezi barazuan në fund me Hauge pasi miqtë kaluan në avantazh me Quagliarellan në pjesën e dytë dhe vështirësuan situatën me një karton të kuq të Adrien Silva.

Në minutat e fundit, në të 87’, Milani gjeti barazimin 1-1 për ta mbyllur në mënyrë zhgënjyese ndeshjen dhe duke iu larguar luftës për titull. Më vonë në 15:00 ishte radha e Atalantës që mposhti thellësisht 3-2 Udinesen dhe jo pa vështirësi ndërsa Napoli luajti tenis në “Maradona Stadium” me fitoren 4-3 ndaj Crotones.

Nuk e pati të lehtë Lazio që triumfoi me vështirësi 2-1 me një penallti në fund të ndeshjes ndaj Spezias teksa Roma u ndal në barazim 2-2 në transfertën me Sassuolon. Në sfidat e tjera, u arritën këto rezultate: Benevento-Parma 2-2, Cagliar-Verona 0-2, Genoa-Fiorentina 1-1.

Artikuj të ngjashëm

Leave a Reply

Your email address will not be published. Required fields are marked *

Back to top button
Close
%d bloggers like this: