Vllaznia e femrave nuk njeh rivale në kampionat. Vajzat shkodrane fituan në finalen e “Final 4” përballë Apolonisë, duke triumfuar me rezultatin 4-0 në Shtëpinë e Futbollit.
Titulli i 11-të në histori për rekordmenet e futbollit të femrave në vendin tonë.
Skuadra e drejtuar nga trajneri Nikolin Leka arriti që të shënonte tre gola që në pjesën e parë, duke i lënë
shumë pak mundësi reagimi vajzave fierake. Në të 21-tën, Esmeralda Franja kaloi në avantazh vajzat kuqeblu në të 21-tën, duke u treguar e saktë nga pika e bardhë e penalltisë.
Me nisjen e fraksionit të dytë, Esmeralda Franja shënoi të dytin personal në këtë sfidë e të katërtin për skuadrën kuqeblu.
Në vijim Vllaznia e menaxhoi siç duhet ndeshjen, duke u shpallur kampione pas 90 minutave.
Fitore e merituar për vajzat shkodrane, të cilat në shtëpinë e futbollit festuan titullin e 11-të radhazi në histori. Vllaznia do të përfaqësojë Shqipërinë në Champions League.
Ajo konfirmon sërish se në Shqipëri është një superfuqi në futbollin e femrave.
.
