Lejimi i lëvizjes së njerëzve dhe makinave pa autorizim deri në 17.30, solli popullim dhe trafik në kryeqytet këtë të hënë, duke na sjellë në mendje përditshmërinë përpara se të shfaqej. Kjo është hera e parë që prej fillimit të marsit, kur njerëzit dhe shoferët me makinat personale mund të lëviznin lirshëm në kryeqytet.
Edhe këmbësorët këtë të hënë kishin mbushur rrugët. Të paktë ishin ata të cilët mbanin doreza dhe maska, pjesa tjetër ecte e pashqetësuar në rrugë, madje në shumë raste, pa u kujdesur për distancimin fizik nga të tjerët.Orjola Zenelaj, mjeke stomatologe tregon se cdo qytetar pajiset me mjete mbrojtëse, i matet dhe temperatura dhe më pas nis puna. Veshjet mbrojtëse kanë kosto, ndaj dhe Orjola shprehet se nëse kjo situatë vijon do të reflektohet në rritjen e çmimeve.
“Ndikon negativisht në lidhje me punën sepse shton kohën në poltron, kohën në klinik për cdo pacient. Këto janë kosto që mbulohen nga klinika por nëse kjo situatë vazhdon sigurisht që do të jetë një kosto ekstra dhe shpenzim ekstra kështu që ndoshta në një të ardhme mund të na nevojitet që këto kosto të shtohen tek kostot e shërbimit për çdo pacientë. Orari ne na ndikon shumë negativisht sepse ideja është që në këtë periudhë të gjithë pacientët janë në marrëdhënie pune.
