“Struktura anti-KÇK po përdoret si shantazh”, Paloka: Rama, “plan B” për të penguar reformën në drejtësi

Ish-deputeti i PD-së, Edi Paloka, me anë të një statusi në rrjetin social “Facebook” shkruan se struktura anti-KÇK nuk është tjetër gjë, përpos se një “plan B” i Edi Ramës për t’ju shmangur reformës në drejtësi.Paloka thekson se Rama bën shantazh me këtë lloj strukture. Ai shton se Rama bërtet me të madhe për reformën në drejtësi, por vlerëson se pikërisht kryeministri ka bërë gjithçka për të bllokuar SPAK-un dhe BKH-n.Postimi i Edi Palokës:Rama sot tregoi dhe nje here se tmerri i tij eshte nje drejtesi e pavarur. Ai qe bertiste me shume per reformen ne drejtesi, ne fakt ka bere gjithçka per te bllokuar SPAK dhe BKH.Qe diten e pare Rama tentoi qe hetimin ta kalonte ne dore te Sajmir Tahiri dhe “çunave” te Tahirit ne polici. Pasi kete ia rrezoi Gjykata Kushtetuese, Edi Rama beri gjithçka per te penguar e zvarritur ngritjen e SPAK dhe BKH.Sot, pikerisht, diten qe SPAK mori jete, Edi Rama vuri ne zbatim planin B, qe i jep policise se kontrolluar prej tij hetimin dhe gjykimin.Me pak fjale, Rama realizoi sot ate qe tentoi qe ne fillim; ngritjen e nje strukture qe nxjerr jashte loje SPAK e qe, ne vend qe te luftoje krimin dhe korrupsionin, do te marre persiper mbrojtjen e krimineleve, oligarkeve dhe te korruptuarve e, mbi te gjitha, mbrojtjen e politikaneve te lidhur me krimin duke kontrolluar vete hetimin, prishur provat dhe sabotuar venien e tyre perpara drejtesise.Por jo vetem kaq, kjo strukture do të perdoret dhe si mjet presioni dhe shantazhi ndaj kujtdo qe kercenon pushtetin e tij, gje qe, ne fakt, ka bere deri me sot policia dhe prokuroria e kapur prej tij. Gjithçka ka te beje me friken nga SPAK dhe mbajtjen me çdo kusht te pushtetit.