Ministrja e Drejtësisë, Etilda Gjonaj ka organizuar një takim pune studentë të drejtësisë dhe studentë ekselentë të punësuar në Ministrinë e Drejtësisë. Ky takim kishte qëllim integrimin e mendimeve të tyre në çdo iniciativë ligjore, projektligj, si dhe procesin e rëndësishëm për kapitullin 23.
”Përfshirja e të rinjve në iniciativat legjislative dhe proceset e integrimit me kapitullin 23, do të ndihmojë jo vetëm stafin e ministrisë për të finalizuar me sukses reformat e ndërmarra, por njëkohësisht do t’ju japë këtyre të sapo diplomuarve mundësinë që të përfitojnë eksperiencë në fushën e drejtësisë”.
Nga ana tjetër ajo nënvizoi se vetëm duke funksionuar bashkarisht si një skuadër do mund të arrihen rezultate të larta në formimin e shtetit të së drejtës dhe luftës kundër korrupsionit. ”Për të arritur këtë, kolona të forta padyshim janë Pakti për Universitetin dhe platforma e punësimit të studentëve të ekselencës, përmes të cilave do vazhdojmë të zgjerojmë kapacitetet gjithëpërfshirëse”.
