Kryeministri Edi Rama iu drejtua studentëve protestues duke u shpjeguar se ai nuk po kërkon as pazare dhe as negociata, por vetëm dialog me ta për zgjidhjen e kërkesave të tyre, të cilat më shumë se një herë i ka cilësuar të zgjidhshme.
Duke iu referuar një pankarte nga protesta e studentëve, kryeministri Rama thotë se nëse studentët nuk ndikohen nga opozita, pse bëjnë të njëjtën gjë si Lulzim Basha.
“S’jeni Luli? Po atëherë pse bëni ekzaktësisht si Luli që futet në çadër e bërtet, s’dua dialog, plotëso kërkesat se s’dal nga çadra!? Ikën nga Kuvendi e bën të njëjtën gjë, plotësoji se s’vij!E pastaj në fund vetëm humbet!Kush ju kërkon pazare?Unë jo njëherë. As negociata. DIALOG”, thotë Kryeministri Edi Rama. /j.p/
