Mesditën e sotme pati një konfrontim verbal mes studentëve dhe policisë në protestë. Studentet tentuan që të bëhen kordon përreth Kryeministrisë, por policia i ndaloi. Një prej studenteve tha për mediat: “Ne të gjithë si studentë vendosëm që në mënyrë simbolike të rrethohej Kryeministria. Më pas policia ndërhyri sikur ne ishim hajdutë, kriminelë, dhe s’kapin bandat. Të shkojnë tek ato bandat po ua mbajti dhe jo tek ne. Ne jemi për protestë paqësore. Isha unë i pari që u bëra pjesë e incidentit dhe më pas qetësova situatën. Ne nuk jemi ca dhjetra, po jemi shumë. Auditori bosh është simbol i kësaj proteste. Nëse merret nga media se “Kryeministria do të sulmohet nga disa vandalë”, jam komplet kundra. Nëse merret se studentët janë pronarë të Kryeministrisë, siç është populli, sepse ne jemi sovrani. ndaj jam shumë dakord që të rrethohet Kryeministria”, u shpreh ai.