Reshjet e shiut dhe të breshërit kanë pushtuar kryeqytetin prej një ore duke krijuar vështirësi të shumta në qarkullim dhe përmbytje në rrugë dhe katet e para të banesave dhe bizneseve.
Në terren duket se nuk ka ndërhyrje të punonjësve të bashkisë së Tiranës, ndërsa banorë të zonave të përmbytyra thanë se, përveç intensitetit të madh të reshjeve, në përkeqësimin e situatës ka ndikuar edhe hedhja e asfaltit gjatë fushatës, duke mbuluar pusetat.
Sinoptikanët bënë me dije se përgjatë gjithë javës vendi do të jetë nën ndikimin e reshjeve të shiut, ku herë pas here do të jenë dhe në formë stuhie.
