Pesë vite më parë, Stresi dhe Morena Taraku sollën bashkëpunimin e tyre të parë. “Ki me bo” rezultoi mjaft e suksesshme, e cila arriti të kthehej në hitin e asaj kohe. Por, suksesi i kësaj kënge ka bërë sërish bashkë dyshen për të sjellë një tjetër duet. Lajmin e kanë bërë me dije vetë artistët përmes një reagimi në rrjete sociale.
“Morena ft Stresl. A jeni gati?“, ka shkruar Morena krahas postimit, duke mos dhënë detaje se kur pritet të publikohet kënga. Stresi publikoi pak ditë më parë edhe bashkëpunimin me Finem, këngë e cila u prit mjaft mirë nga publiku, dhe deri më tani ka arritur të shënojë më shumë se 3 milion klikime në Youtube.
Ndërkohë, Stresi ka paralajmëruar edhe një tjetër këngë, për të cilën thotë se do të jetë një “hit që do të mbahet mend shumë gjatë”. Bëhet fjalë për një bashkëpunim me një artiste të re, Melisa Halilaj. “Më në fund hit i hiteve që do të mbahet mend gjatë mbaroi!!! Kënga titullohet “A t’ka marr malli”. E kam ftuar në bashkëpunim sepse e meriton dhe ju prezantoj talenten e ardhshme Melisa Halilaj.”, shkroi Stresi.
