Presidenti i Ukrainës Volodymyr Zelensky e ka përshkruar bombardimin e Kharkivit, i cili ka vrarë dhjetëra civilë, si një krim lufte. Nëntë persona, duke përfshirë tre fëmijë, u vranë të hënën pasi bombat ruse shënjestruan ndërtesa banimi në qytetin e dytëmë të madh të Ukrainës.
Në komentet e bëra përpara sulmit të fundit në qendër të Kharkiv, Volodymyr Zelensky tha se kishte dëshmi të dëshmitarëve okularë të civilëve që ishin shënjestruar qëllimisht. “Forcat ruse qëlluan brutalisht mbi Kharkiv”, tha Zelensky gjatë një fjalimi natën vonë drejtuar popullit ukrainas.
“Ishte qartë një krim lufte. Qytet paqësor. Zona banimi paqësore. Nuk ka objekte ushtarake. Dhjetra të dhëna të dëshmitarëve okularë dëshmojnë se kjo nuk është një breshëri e vetme, por shkatërrim i qëllimshëm i njerëzve. Rusët e dinin se ku po qëllonin.”
Kryeprokurori i Gjykatës Penale Ndërkombëtare, Karim Khan, ka hapur një hetim mbi pushtimin rus pasi ai tha se besonte se kishte “bazë të arsyeshme” për të besuar se krimet e luftës ose krimet kundër njerëzimit ishin kryer në Ukrainë.
