Policia ka arrestuar personin e akuzuar për vrasjen e tre personave në një tramvaj në qytetin holandez të Utrehtit, njoftoi shefi i policisë së qytetit.
I dyshuari, i identifikuar si Gokmen Tanis i lindur në Turqi, 37 vjeç, i cili ka vrarë tre persona si dhe ka plagosur 9-të të tjerë po hetohet nga policia lidhur me ‘motivin e mundshëm terrorist’
Të shtënat nxitën frikën e një sulmi terrorist, por të afërmit e njeriut i thanë agjensisë turke Anadolu se Tanis gjuajti me një të afërm për shkak të “arsyeve familjare”. Ai pastaj ka qëlluar mbi të tjerët pasi u përpoqën të ndihmonin viktimën.
Babai i Tanisit tha se djali i tij duhet të dënohet për krimin e bërë. Mehmet Tanis, i cili jeton në provincën qendrore të Turqisë Kayseri, i tha agjencisë private të lajmeve Demiroren se ai nuk i kishte folur djalit të tij në 11 vjet.
“Nëse ai e bëri atë, ai duhet të paguajë dënimin”, tha ai. Motivi në sulmin e tramvajit në Holandë mund të ketë qenë një grindje familjare. “Ne do të presim për hetimin para se të themi më shumë”, thanë zyrtarët e policisë.
Kryeministri Mark Rutte tha se të ketë qenë një sulm terrosrist nuk mund të përjashtohej, duke u zotuar se Holanda nuk do t’i hapë kurrë rrugë jotolerancës.
