Marcus Rashford mund të largohet nga Manchester United dhe disa klube kanë shprehur dëshirën për ta blerë yllin anglez. Ditën e djeshme u fol për Barcelonën, ndërsa tani është Juventusi, që hyn në skenë.

“Zonja” dëshiron më shumë potencë në sulm dhe Rashford vlerësohet të jetë njeriu i duhur, teksa vlera e tij në merkato është rreth 80 milionë euro. Për të plotësuar këtë dëshirë bardhezinjtë duhet të bëjnë me patjetër lëvizje në dalje.

Me siguri ata janë gati të shesin emra të mëdhenj në ofensivë për të siguruar fonde, që anglezi të zbarkojë në Torino. Një dëshirë e madhe jo e bardhezinjve, që në kohë krize do dojë shumë punë për t’u realizuar, duke marrë parasysh edhe pagën e lartë të sulmuesit.