Takim prezantues të kandidaturës në Himarë Gjergji Goro , në prani të drejtuesit politik të PS për qarkun Vlorë, Blendi Klosi
Në takimin prezantues të kandidaturës së tij në Himarë, në prani të drejtuesit politik të PS për qarkun Vlorë, Blendi Klosi, u vu theksi tek vazhdimi i punës intensive të bashkisë në dobi të komunitetit.
Takimet e Partisë Socialiste në Himarë, ndryshe kryeqendra administrative e Bashkia Himarë, përcjellin përherë interes tek komuniteti ynë.
Nuk janë thjesht takime rutinë, premtimesh apo analiza punësh të përfunduara apo në proces, të cilave përherë ndodh që pjesmarrësit i ndryshojnë natyrshëm protokollin e mbledhjes.
Kështu ndodhi edhe këtë pasdite në Spile, ku çdo anëtar i Partisë Socialiste, i zgjedhur në Asamble, apo edhe qytetar, madje edhe jo votues, ta shijoj në çdo detaj vlerat që ne socialistët ndajmë me njerëzit prej një dekade në Himarë e kudo, në të gjithë Shqipërinë.
Janë pikërisht ato vlera njerëzore që sado të mundohen kundërshtarët tanë imagjinarë, kurrë nuk do të munden të arrijnë tek modeli që na ka votuar dhe do të na votojë në përjetë në 7 fshatrat e Himarës sonë, në të gjithë Lumin heroik dje të Vlorës e sot kaq pranë, të Himarës sonë, akoma më shumë në Borsh deri në Nivicën tonë të dashur duke ndaluar atje tej, në qendër të Shën Vasilit.
Kjo është Himara që sot na dhuroi emocion në prani të mikut tashmë të konfirmuar të Himarës Turistike, Blendi Klosi, i deleguar i Kryesisë së Partisë Partia Socialiste e Shqipërisë për Qarkun e Vlorës.
Të Deputetit tonë shumë të dashur, shokut tim të hershëm, i nderuari Vullnet Ruzhdi Sinaj, si dhe të gjithë të pranishmëve të tjerë. Një falenderim i veçantë për të gjithë ata pjesmarrës të cilët gjeta rastin ta falenderoj çdonjërin prej tyre personalisht, socialistëve të shumtë të Himarës, mbështetësit e mi të pandarë në çdo betejë të fituar. Dhe në fund akoma më shumë falenderime edhe për votuesit e djeshëm të kundërshtarëve imagjinarë, të humbur me “lavdi”, përsëritës të humbjes në çdo lloj të Djele Elektorale në Bashkinë e Himarës.
Ata të cilët ishin pjesmarrësit më të veçantë të këtij takimi prezantimi mbreslënës, këtë pasdite pranvere në Himarën tonë. Dhe në fund, miqtë e mi …
Mbështetja juaj e pakufishme është detyrimi im për t’u dedikuar në çdo punë të realizuar në Himarë. Dedikim që do të vazhdojë edhe për 4 vitet e ardhshme, me të njëjtën përkushtim në çdo kantier që kemi hapur në betejën tonë për ta shndërruar Himarën në kryeqendër të turizmit evropian!
