Ditën nesërme duke filluar nga ora 05:00 e mëngjesit sot të rinisë transporti publik në kryeqytet, i cili ishte mbyllur që prej datës 9 Mars, kur u shënuan dhe rastet e reja me Covid në Shqipëri.
Nga ajo që raportohet për muajin Korrik nuk do të ketë shpërndarje të aboneve, duke bërë që kostot për qytetarët që do të zgjedhin të udhëtojnë me urban të jenë më të shtuara secc ndodh zakonisht.
Sipas asaj që thonë jo zyrtarisht shoqatat e Transportit rishpërndarja e aboneve do të bëhet vetëm për muajin Gusht, ndërkohë që nuk hyjnë në punë abonetë e muajit Mars, të cilat u përdorën për një periudhë më të pakët se dy javë. Problem mbetet dhe zbatimi i protokollit të sigurisë, i cili zhvesh nga të gjitha përgjegjësitë kompanitë e transportit apo vetë Bashkinë e Tiranës.
Tre nga komponentët bazë të këtij protokolli sigurie kanë të bëjnë me mbajtjen e detyrueshme të maskave brenda në mjet, distancën fizike mes pasagjerëve, si dhe mbajtjen e maskës në stacionin e pritjes së urbaneve. Gjithashtu në protokoll thuhet se mjetet e transportit publik duhet të dezinfektohen në mënyrë periodike por duke e lënë të paqartë kohën specifike sesa shpesh do të duhet të dezinfektohen mjetet anga ana e kompanisë. Pajisja e autobusëve me dezifektant si dhe ajrimi i shpeshtë i tyre janë dy pika të tjera të rëndësishme të protokollit të sigurisë.
Ajo çka shkakton ambiguiditet në protokallin zyrtar të sigurisë është fakti se thyerja e tij është përgjegjësi personale e punonjësit ose pasagjerit që e thyen dhe jo e kompanisë së transportit. Mbajtja e maskës ndoshta është përgjegjësi personale por dezinfektimi “periodik” i mjetit është drejtpërdrejt përgjegjësi e kompanisë dhe jo e shoferit ose e faturinos. Ndaj ky protokoll duhet të ishte më i plotë dhe të përfshinte gjithashtu përgjegjësinë që bie mbi kompanitë e transportit publik nëse nuk kujdesen për higjenën e automjeteve dhe jo të merren vetëm me qytetarët dhe punëtorët.
