Është identifikuar gruaja e plagosur me armë zjarri në Fier.
Raportohet se Suzana Mernica ka marrë plagë në trup të shkaktuara nga një armë zjarri.
Më herët policia njoftoi se kishte identifikuar edhe autorët e ngjarjes, babë e bir në Fier, Afrim dhe Ali Cimili.
Mësohet se 50-vjeçarja po lëvizjet me motor bashkë me të birin, në momentin e të shtënave. Ende nuk dihen rrethanat e plota të ngjarjes.
Fier/Informacion paraprak
Plagosën me armë zjarri një shtetase, identifikohen dhe shpallen në kërkim autorët (babë e bir).
Rreth orës 14:00, në vendin e quajtur “Mbikalimi i Dërmënasit”, në rrethana ende të paqarta, është plagosur me armë zjarri shtetasja S. M. Nga hetimet paraprake dyshohet se autorë janë shtetasit A. C., 66 vjeç dhe A. C., 23 vjeç, banues në Dërmënas (babë e bir), të cilët janë shpallur në kërkim.
Janë ngritur menjëherë pika kontrolli në hyrje/daljet e qytetit të Fierit dhe në akset “Fier-Vlorë”, “Fier-Lushnjë”. Gjithashtu, shërbimet e Policisë vijojnë krehjen e zonës, me qëllim lokalizimin dhe kapjen e autorëve.
Grupi hetimor ndodhet në vendngjarje dhe në drejtimin e prokurorit, po punon për sqarimin e rrethanave të ngjarjes, si dhe për fiksimin e çdo prove që do t’i shërbejë hetimit, me qëllim kapjen e autorëve.
