Pas tërmetit katastrofik që goditi Shqipërinë, më 26 nëntor, ka pasur dëme të shumta në godina dhe shtëpi banimi. Një gjendje e tillë e pashpresë është edhe në zonën e Kombinatit.
Kreu i PD-së për zonën, Dashnor Visha, ka postuar një shënim në rrjetet sociale, ku tregon atë që po ndodh në këtë zonë ku shteti nuk duket gjëkundi dhe njerëzit janë në rrugë të madhe.
Postimi i Vishës
Sot në lagjet e ish Kombinatit Tekstil, Njesia Administrative Nr.6. Gjendje shumë e rëndë në këto lagje të lëna totalisht jashtë vemendjes së shtetit.
I gjindur që në oret e para të mengjesit pranë tyre por fatkeqësisht i pafuqishëm për të ndryshuar këtë gjendje të trishtë shikon një gjendje Migjeniane dhe nje indiferentizem total te pushtetit vendor e qëndror.
Sjellja “ekselente “ e qeverisë është vendosja e ketyre shiritave të kuq e pastaj banorët të lënë totalisht në meshirë të fatit.
Askush nuk ju vjen në ndihmë, asnjë çadër, asnjë ushqim nuk ju ka ardhur nga shteti.
Askush nga organet kopetente nuk troket me nëpër keto dyer për ti sqaruar keto qytetarë se çfarë do bëhet me shtëpitë e tyre, çfarë statusi gëzojnë këto banesa nga momenti i vendosjes së këtyre shiritave, ku do jetojnë dhjetra e qindra banorë të Ish Kombinatit Tekstil sikurse dhe banorët e tjerë të kësaj Njesie Administrative.
Këto familje me femijë të vegjel, me pleq e plot halle kanë mbetur krejt të vetëm në përballimin e pasojave të termetit.
Familjet e dëmtuara presin vlerësimin e dëmeve të termetit nga eskspertët e licensuar të shtetit.
Kaosi total i organeve shteterore qe po vazhdon e veshtirëson sjelljen e zgjidhjes për një minimum jetik për këto familje të dëmtuara nga fatkeqesia natyrore.
Çdo ditë që kalon bëhet më e veshtirë për këto familje që po kalojnë momente kritike.
Duhet ndërhyrje e menjëhershme që të lehtesojmë vuajtiet dhe dhimbjet e këtyre banorëve.
Duhen hapa konkretë e zgjidhje emergjente sepse gjendja e tyre po rëndohet.
