Një 43-vjeçar është arrestuar nga policia e Kubinit.

Blutë njoftojnë se i arrestuari i identifikuar si 43-vjeçari Gentian Diva, lëvizte me mjet prerës thikë në qytet, duke krijuar panik te qytetarët.

Ky person rezulton i dënuar më parë për vjedhje me armë dhe për tentativë për grabitje në bankë.

Njoftimi:

Lëvizte me mjet prerës thikë në qytet, duke krijuar panik te qytetarët, falë reagimit në kohë të shërbimeve të Policisë, është parandaluar një ngjarje e mundshme kriminale.

Menjëherë pas kallëzimeve të marra, se një shtetas me precedent të theksuar penal të mëparshëm, përbënte rrezik dhe shqetësim për komunitetin (lëvizte me mjet prerës në dorë kërcënonte qytetarë dhe dëmtonte prona në zonë), Komisariati i Policisë Kurbin ka organizuar dhe finalizuar operacionin policor të koduar “Rekordet”.

Shërbimet e Policisë në kuadër të operacionit policor të koduar “Rekordet”, kanë kapur dhe vënë në pranga personin e denoncuar nga qytetarët, shtetasin Gentian Diva, 43 vjeç, banues në Fushë Mamurras.

43-vjeçari i kapur, i dënuar më parë për vjedhje me armë dhe për tentativë për grabitje në bankë.

Ky shtetas ka kërcënuar disa qytetarë, pa asnjë shkak, ka thyer xhamin e një automjeti dhe ka terrorizuar klientët në një lokal.

Në momentin e arrestimit, atij iu gjetën dhe iu sekuestruan një mjet prerës(thikë), municion luftarak dhe një sasi Cannabisi.

Materialet procedurale i kaluan Prokurorisë, për veprime të mëtejshme.