Foto ilustruese

Një 23 vjeçar është vënë në prangat e policisë pasi akuzohet se theu masën e sigurisë “Arrest shtëpie” dhe më pas u konfliktua me shoferin e një autobusi për motive të dobëta duke e goditur me mjete të forta.

I arrestuari është A. K., 23 vjeç, banues në Tiranë  (me precedentë të mëparshëm penal). Ky person pasi ka dalë nga shtëpia ka hipur në autobus dhe duke pretenduar se shoferi e ngiste avash është konfliktuar me të dhe e ka goditur me mjete të forta në pjesën e fytyrës. Pas kësaj 23-vjeçari është kapur nga policia .

Ai tashmë akuzohet për veprat penale “Plagosje e lehtë me dashje” dhe “Largim i të burgosurit nga vendi i qëndrimit”.

Gjithashtu nga shërbimet e Komisariatit të Policisë Nr.2. u bë kapja dhe ndalimi i shtetasit: F. Z., banues në Tiranë. Ky shtetas është person i shpallur në kërkim, pasi Gjykata e Rrethit Gjyqësor Tiranë, e ka dënuar me 8 muaj burg për veprën penale “Përndjekje”.