Categories Lajme

Theu arrestin shtëpiak dhe u kap mat duke shitur kokainë, arrestohet 38-vjeçari në Lushnjë

Një 38-vjeçar ka rënë në prangat e policisë së Lushnjës, pasi akuzohet se theu arrestin shtëpiak dhe u kap mat duke shitur kokainë. Burime zyrtare nga policia bënë me dije se pas hekurave ra A. H.

NJOFTIMI I POLICISE
Theu masën e sigurisë “Arrest në shtëpi” dhe u përfshi në një konflikt, arrestohet në flagrancë 38-vjeçari. Gjatë kontrollit fizik shërbimet e Policisë së Lushnjës i gjetën dhe sekuestruan një sasi lënde narkotike kokainë, të ndarë në doza gati për shitje. Pas një konflikti të ndodhur ditën e djeshme, në Lushnjë, ku mbeti i plagosur lehtë me mjet prerës shtetasi D. S., 29 vjeç, dhe patën dëmtime të lehta shtetasit B. B., 28 vjeç dhe F. S., 19 vjeç, falë ndërhyrjes së menjëhershme të shërbimeve të Komisariatit Lushnjë, parandalohet një ngjarje që mund të kishte pasoja të rënda, dhe bëhet e mundur kapja e 2 prej autorëve të këtij konflikti.

Specialistët për Hetimin e Krimeve të Komisariatit të Policisë Lushnjë, në bashkëpunim me Forcën e Posaçme “Shqiponja”, të DVP Fier, kapën në flagrancë shtetasin A. H., 38 vjeç, banues në Lushnjë, pasi ky shtetas kishte thyer masën e sigurisë “Arrest në shtëpi”, të vendosur nga Gjykata e Gjirokastrës dhe ishte një nga autorët e një konflikti me sende të forta dhe me mjet prerës.

Shërbimet e Komisariatit të Policisë Lushnjë, gjatë kontrollit fizik, i gjetën dhe sekuestruan 21 doza lënde të dyshuar narkotike kokainë, të cilat ky shtetas dyshohet se do t’i shiste në afërsi të shkollave dhe në ambiente të ndryshme. Në vijim të veprimeve procedurale, specialistët për Hetimin e Krimeve të Komisariatit të Policisë Lushnjë, në bashkëpunim me specialistët për Hetimin e Narkotikëve, bënë arrestimin e këtij shtetasi për veprat penale “Plagosja e lehtë me dashje”, kryer në bashkëpunim, “Prodhimi dhe shitja e narkotikëve” dhe “Largimi i të burgosurit nga vendi i qëndrimit”.

Gjithashtu, në vijim të veprimeve për dokumentimin ligjor të rrethanave të konfliktit, specialistët për Hetimin e Krimeve të Komisariatit të Lushnjës referuan materialet në Prokurori, ku nisi procedimi në gjendje të lirë për shtetasin E. M., 39 vjeç, pasi dyshohet të jetë një nga autorët e këtij konflikti, dhe shpallën në kërkim 2 shtetas të tjerë, të dyshuar si autorë të plagosjes së 29-vjeçarit, konkretisht shtetasit J. S., 44 vjeç, dhe M. S., 36 vjeç, të dy banues në fshatin Karbunarë, Lushnjë. Po punohet për kapjen e këtyre shtetasve. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.

Leave a Reply

Adresa juaj email s’do të bëhet publike. Fushat e domosdoshme janë shënuar me një *

Lexoni Gjithashtu

Categories Lajme

Reklamonin kalimet e paligjshme për në ishull, Britania fshin 12 mijë postime nga të gjitha platformat sociale

Agjencia Kombëtare e Krimit në Britani thotë se ka hequr nga platformat sociale rreth 12…

LEXO ME SHUME
Categories Lajme

Korçë/ Abuzonin s*ksualisht me 16-vjeçaren dhe e shfrytëzonin për prostitucion, arrestohen dy persona

Policia e Maliqit ka arrestuar dy persona të cilët dyshohen se kanë abuzuar seksualisht me…

LEXO ME SHUME
Categories Lajme

Qeveria miraton listën e re të barnave të rimbursueshme, ministrja e Shëndetësisë: Shtohen 50 medikamente

Ministrja e Shëndetësisë dhe Mbrojtjes Sociale, Albana Koçiu deklaroi  se në mbledhjen e sotme të…

LEXO ME SHUME
Categories Lajme

I vuri flakën tokës, por u dogj edhe vetë, humb jetën 75-vjeçari

Një ngjarje e rëndë ka ndodhur në Mat ku një 75-vjeçar është djegur pasi i vuri flakën…

LEXO ME SHUME
Categories Lajme

Kishin mbetur të bllokuar në një fshat në Përmet, Policia ndihmon 5 turistët francez, një prej tyre i dëmtuar në këmbë

5 turistë nga Franca janë ndihmuar nga Policia e Përmetit pasi kishin mbetur të bllokuar…

LEXO ME SHUME