Momente frike në Romë: detyroni një postblloqe në Vatikan dhe ikni | Një e shtënë shkon për ta ndaluar
Mediat italiane kanë publikuar pamjet e arrestimit të një 39-vjeçari shqiptar nga policia e Romës, pasi ditën e djeshme prodhoi panik, duke u futur me mjetin tip “BMW” në sheshin kryesor të Vatikanit.
Shqiptari, i quajtur Erjol Nako prishi qetësinë e Vatikanit, duke detyruar sipas mediave italiane policinë që për të parën herë në shumë vite të qëllojë me armë në drejtim të “BMW-së”, me synim neutralizimin e autorit të ngjarjes.
Karabinierët i kanë bërë me shenjë drejtuesit që të ndalojë automjetin, por 39-vjeçari nuk iu bind urdhrit dhe është larguar duke përplasur edhe dy oficerë.
Në tentativë për tu larguar Nako ka hedhur nga dritarja e mjetit një orë dhe një portofol, me idenë se do të çorientonte efektivët, por karabinierët e kanë ndjekur sërish duke e neutralizuar në fund me një teaser elektrik.
Momentet e frikshme dhe kaosi i shkaktuar në zonën e Panteonit në Romë janë filmuar nga qytetarët dhe në një prej videove që qarkullojnë në rrjet dëgjohet një zonjë duke bërtitur dhe shprehur frikë rreth aktit të 39-vjeçarit.
“O Betim, kam frikë, s’e heq këmbën nga gazi”, dëgjohet të thotë zonja në sfond.
Ndërkohë menjëherë pas arrestimit, Erjol Nako dhe dy efektivët që mbetën të plagosur gjatë aktit të tij të çmendurisë u dërguan për ndihmë mjekësore në spital.
Por ende mbeten të paqarta arsyet përse 39-vjeçari iu shmang postbllokut duke kryer manovra të rrezikshme në rrugë.
Për të parë videon KLIKO KETU:
