Një ngjarje e rëndë është shënuar ditën e sotme në zonën e Holtës, në qytetin e Gramshit, ku dy të rinj kanë humbur jetën tragjikisht si pasojë e shembjes së një masivi dheu.
Sipas njoftimit zyrtar të Policisë së Shtetit, viktimat janë identifikuar si Abas Basha, 22 vjeç, dhe Egzon Lleshi, 32 vjeç. Të rinjtë ndodheshin në punë në momentin kur ndodhi fatkeqësia, në një zonë ku po kryheshin punime.
Pamjet nga vendngjarja tregojnë masivin e gurëve dhe dheut që është shembur papritur, duke i zënë poshtë dy punëtorët dhe duke u marrë jetën në mënyrë të menjëhershme.
Autoritetet kanë mbërritur menjëherë në vendin e ngjarjes, ndërsa grupet hetimore po punojnë për të zbardhur rrethanat dhe shkaqet e incidentit.
