Të hënën hapen baret dhe restorantet duke ju shtuar kështu të gjithë aktiviteteve të hapura më herët pas daljes nga izolimi për shkak të pandemisë. Edhe pse ka një kërkesë të shtuar nga qytetarët për rikthimin e transportit publik, Rama tha se nuk janë ende kushtet për hapjen e tij.
Rama: Lëvizja e numrave nëse do të vazhdojë të jetë kështu do të jetë një problem. Në këtë fazë, secili prej nesh është vendimtar. Sjellja në raport me rregullat është deçizive. Ky është patriotizmi sot që të mos kuturisësh dhe të shkelësh rregullat.
Nga e hëna përveç trasnportit publik, aktiviteteve sportive, kulturore dhe argëtuese në ambjente të mbyllura nuk do të kemi asgjë të mbyllur. Nuk e hapim dot transportin publik ende. Do të mbetemi përsëri besnik të numrave në përcaktimin e zonave të gjelbra apo të kuqe. Nuk është çudi që një zonë e gjelbër të rikthehet e kuqe. Në kushtet e zonës së kuqe do të vazhdojmë të kemi disa kufizime. Fashat orare kanë rol në dekurajimin e daljeve të tepërta.
