Tre të rinj janë vënë në pranga nga policia e Korçës pasi janë kapur duke ju dhënë ndihmë 10 shtetasve të huaj për kalim të paligjshëm të kufirit, kundrejt fitimit me qëllim dërgimin e tyre drejt vendeve të BE-së. Personat e arrestuar janë shtetasit M.S., 27 vjeç, D.H., 26 vjeç, dhe Q.S., 25 vjeç, të tre banues në Maliq.
Gjatë kontrollit të ushtruar nga shërbimet e Policisë pranë fshatit Melçan, Korçë, shtetasi D.H., u kap duke transportuar me një automjet në drejtim të Shkodrës, 10 shtetas të huaj.Ky shtetas në bashkëpunim me shtetasit M.S., dhe Q.S., do t’i ndihmonin këta shtetas kundrejt fitimit prej 50 Euro për secilin, për të kaluar kufirin në mënyrë të paligjshme drejt vendeve të BE-së.
Në cilësinë e provës materiale, Policia bllokoi dy automjete që ishin përdorur nga shtetasit e mësipërm për të realizuar transportimin e klandestinëve në destinacionin e premtuar. Materialet i kaluan Prokurorisë të Rrethit Gjyqësor Korçë për veprën penale “Ndihma për kalim të paligjshëm të kufijve, kryer në bashkëpunim”.
