Një 67-vjeçar me iniciale I. M. i cili u aksidentua një natë më parë teksa po kalonte rrugën bashkë me të shoqen ka ndërruar jetë në spital. Ndërkohë e shoqja Gj. M., ndodhet në spital nën kujdesin e mjekëve.
Ngjarja ndodhi në vendin e quajtur “Kthesa e Etc”, në Fier. Ndërkohë blutë kanë vënë në pranga L. B., 30 vjeç, banues në Fier, drejtuesi i automjetit tip “Seat” që p ërplasi dy të moshuarit.
Njoftimi i policisë: Specialistët e Sektorit të Qarkullimit Rrugor në DVP Fier, ar restuan në flagrancë shtetasin: L.B., 30 vjeç, banues në Fier, pasi në datë 30.01.2021, rreth orës 18:15, në vendin e quajtur “Kthesa e Etc”, duke drejtuar automjetin tip “Seat” ka aksidentuar dy këmbësorë, shtetasit I. M., dhe Gj. M., të dy 67 vjeç. Shtetasi I. M., gjatë orëve të natës ka ndërruar jetë në spital, ndërsa shtetasja Gj. M., ndodhet në spital nën kujdesin e mjekëve.
